Рецензиялауға қатысты берілетін ұсыныстар: COPE Guidelines for Peer Reviewers

Жариялауға келіп түскен барлық мақалалар журналдың бейініне, ресімдеуге қойылатын талаптарға сәйкестігіне тексеріледі және қажет болған жағдайда авторларға түзетуге қайтарылады.

Барлық мақалалар анонимді жабық («жасырын қатарлас әдіспен») рецензиялаудан өтеді және қажет болған жағдайда, авторларға түзету үшін қайтарылады. Мақалаларды екі тәуелсіз сарапшы рецензиялайды, олардың бірі Орталық Азия аймағының, екіншісі халықаралық ғылыми қоғамдастықтың атынан әрекет етеді. Рецензиялау барысы редакциялау алқасымен бақыланады, оның құрамына аймақтық және халықаралық ғылыми-зерттеу институттарының ғалымдары мен сарапшылары кіреді. Қолжазбаларды қарау процесі халықаралық рецензиялау стандарттарына сәйкес жүргізіледі (https://www.elsevier.com/reviewers/what-is-peer-review).  Журналдың редакция меңгерушісінің журналдың тақырыптық бейініне және техникалық талаптарға сәйкестігіне тексеруден өткен қолжазбалар редакторлардың біріне тағайындалады және мақаланың ғылыми сапасын бағалау үшін кемінде екі тәуелсіз сарапшыға жіберіледі.

Рецензиялаушылардың міндеттеріне жұмыстың жаңалығы мен ғылыми маңыздылығын, зерттеу нәтижелерінің дұрыстығын, мақаланың мазмұны мен баяндалу сипатын, қолжазба атауының және оның мазмұнына аңдатпасының сәйкестігін бағалау, әдебиеттер тізімі кіреді (атап айтқанда, зерттеу тақырыбына қатысты, бірақ рецензиялаушының пікірі бойынша, мақалада айтылуы тиіс жарияланған жұмыстарды анықтау).  Рецензиялау мерзімі – 1 ай, алайда рецензиялаушының өтініші бойынша оны ұзартуға болады. Қолжазбаны қарау қорытындысы бойынша рецензиялаушы мақаланың болашақ тағдыры туралы ұсыныстар береді (рецензиялаушының әрбір шешімі негізделеді): а) мақала осы түрінде жариялауға ұсынылады; б) мақала рецензиялаушы белгілеп көрсеткен шамалы өзгерістер енгізілгеннен кейін жариялауға ұсынылады; в) мақала рецензиялаушы белгілеген ірі өзгерістер енгізілгеннен кейін жариялауға ұсынылады; г) мақаланы журналда жариялауға болмайды.

Егер рецензияда мақаланы түзету және пысықтау бойынша ұсынымдар болса, журналдың редакторы авторға мақаланың жаңа нұсқасын дайындау кезінде ескерілуі тиіс немесе оларды дәлелді (ішінара немесе толық) жоққа шығару туралы ескертулер мен сұрақтары бар рецензия жібереді. Мақаланы пысықтау мерзімі авторға өзгерістер енгізу қажеттілігі туралы электрондық хат жіберілген сәттен бастап 6 аптадан аспауы керек. Автормен пысықталған мақала рецензиялауға қайта жіберіледі.

Егер авторлар рецензия жіберілген күннен бастап 6 апта ішінде пысықталған нұсқаны қайтармаса, редакция қолжазбаны Орталық Азия Су ресурстарын зерттеу журналында қараудан алып тастайды. Егер басқа келісім болмаса, 6 аптадан кейін алынған редакцияланған қолжазба қайта жіберілген болып саналады.

Егер автор мен рецензиялаушылар қолжазбаға қатысты шешілмейтін қайшылықтарға тап болса, редакция алқасы қолжазбаны қосымша рецензиялауға жіберуге құқылы. Шиеленісті жағдайларда бас редактор редакция алқасының пікірін ескере отырып, шешім қабылдайды. Қолжазбаны жариялаудан бас тарту туралы шешім, рецензиялаушылардың ұсынымдарына сәйкес, редакция алқасының отырысында қабылданады. Редакция алқасының шешімі бойынша жариялауға ұсынылмаған мақала қайта қарауға қабылданбайды. Жариялаудан бас тарту туралы хабарлама авторға электрондық пошта арқылы жіберіледі. Оң рецензияның болуы мақаланы жариялауға жеткілікті негіз бола алмайды. Жариялау туралы түпкілікті шешімді редакция алқасы қабылдайды. Шиеленісті жағдайларда шешімді бас редактор қабылдайды. Рецензиялардың түпнұсқалары журналдың редакциясында 3 жыл бойы сақталады.

Рецензиялаушылар мақалаларды бағалау кезінде келесі өлшемшарттарды ескереді:

• Мақалада CAJWR журналының тақырыбына сәйкес келетін мәселелерді шешу туралы ұсыныстардың болуы
• Мақалада жаңа тұжырымдамалар, идеялар немесе деректердің қамтылғандығы
• Маңызды қорытындылардың жасалуы
• Ғылыми әдістер мен гипотезалардың дұрыстығы мен түсініктілігі
• Эксперименттер мен есептеулер сипаттамасының толықтығы мен дәлдігінің жеткіліктігі
• Автордың мақаланың тақырыбына жаңа / ерекше үлесін қосуы
• Мақаланың атауының оның мазмұнына сәйкестігі
• Мақалада әдебиет көздерінің сапалы таңдалуы
• Мақаланың логикасы мен құрылымының жақсы көрсетілуі

Мақаланы жариялауға жіберу туралы түпкілікті шешімді CAJWR редакция алқасы қабылдайды.